Г1алг1ай мехка бусулба дина викалий соцам

Дала дездаь дайта Къуръан а вай пайхамара (Даьлагара салам-моаршал хилда цунна!) Суннаташ а ларде лаьца, мехка муфте къамаьлага ла а дийг1а, из даьшха а даьшха,  иштта конференце доакъошхош аьннар теркалдаь, цар шоай оаг1орахьар белгалдаьккхар хьаийца, вай т1ехьена массаза а вахара хьехам лоаттабе безалга кхетадеш, бусулба динца товш дола халкъа эздий г1улакхаш эргадоахаш, Г1алг1ай мехка бусулба дина викалий конференце соцам бу:

 1.         Г1алг1ай мехка бусулба дина викалий Конференце теркал ду шоаш цхьаккха оаг1орахьар саг вер бахьан къоабал деш т1аэцац, аьнна. Сага вахар хоададе бокъо яц Даьла Ше воацачун. Цу доккхача зулама юкъе доаг1а: герзаца саг вувш дов дар, корта бохбеш дола малар менна машенаца аравалар, иштта наькъаш т1ара овттаяь латта бокъонаш толхаяр, наркотикаш а корта бохбеш дола малар а доаржадар, царца шоай дег1амашта зулам дар, кхыдараш а –  Аллах1о ше дездаь дайтача Къуръана т1а  а пайхамара (Даьлагар салам-моаршал хилда цунна!) Суннаташца хьарам мел даьраш. Из ларде лаьца, дина викалий Конференце теркам т1абохийт, Шар1ан бокъонах, сага вахар хоададар бахьан пхьена луш бола мах (диет) 1000000  сом хилба, аьнна.

2.         Йо1 ехаш луш дола урдувг1а лаьца дош дийца, Шар1ан бокъонца, мехка латташ дола хьал а дуккхача кагийча наьха хьалаш а теркалдаь, Г1алг1ай мехка бусулба дина Конференце викалаш соцам бу урдув боарам 40000 сомал лакхаг1а ма хилба, аьнна.

3.         Саг маьре йига уйла йолаш мехкарий удабеш дола дош дийца, из х1ама Шар1ан бокъоно къоабал деш доацилга бегалдоаккхаш, иштта саг йодаяра т1ехьа зуламаш нийслуш дукха  моттигаш хилар теркалдеш, Г1алг1ай мехка бусулба дина викалий Конференце ца хувцаш ютт шоаш 31 январе 2008 шера цу хьакъехьа яь хинна ва1ад, х1аьта цу ва1ада юкъера д1айоакх 4 пункт.

4.         Г1алгай мехка бусулба дина викалий Конференце ца хувцаш ютт 1алама наьха а, туркхий а, юртий тхьамадий а в1ашаг1кхетаре хьалха т1аийяь ва1адаш                       

                 Г1алг1ай мехка муфтий                                                        Хамхоев И.