ГIалгIай Мехка латташ йолча ваIада бокъонаш

1.  Нарко?тик, къа?ракъ е кхы йола корт бо?хабеш йола хIама хьаеш, йохкаш е ме?лаш (йуаш, ту?хаш, увзаш, хьаж йоахаш) наьха хIама лочкъа даь саг юртах дIахоадавовла.  

2.  Саг е?хача моттиге Мовлат дийшача на?ха? хIама (ахча) ма лулда;

3.  Саг е?хача Iодуллаш дола урдув 40 000 со?мал (40 бIаь тумал) лакхагIа ма хилда;

 4.  Саг е?хача ха?на устагI а, шекар а, хьоар а, налха а, чаь-буц а ма хьолда;

5.  Йийха я?гIа саг дукха ма гоайойла, маьр-вежарий нус йолча а ма гIолба, нейц чу а ма гIолва саг цIаялцца;

6.  Маьре йо?дача кхалсаго мел кхухьаш дола совгIаташ дIадоахалда;

7.  Саг йо?дача е йоагIача герз кхесса?ча сага? гIод то?халда кIезигагIа дале а 1000 сом (1 бIаь тума), из цу юртарча Рузбана маьждига дIалулда;

8.  Нускал вайнаьха чо?кхий тIадувхаш хилда;

9.  Нускал хи-тIа да?ккхар дIадоаккхалда;

10.  Бер даьча тIехьаболхаш барзкъеи дуа-хIамеи ма?ра ма хьолда;

11. Маьре е?на кха?лсаг юха даь-цIа югача ха?на дуа-хIама ма?ра совгIаташ ма кхухьалда;

12. Дика?н тIа во?н тIа а кхална?ха дIа а хьа а дехкаш дола совгIаташ а тIормеш а дIадоахалда;

13.  Таьзета хьалхарча дийнахьа кхалнах ма ухалба. Цу дийнахьа баха йиш йола кхалнах ераш ба: нана, даь-нана, наьн-нана, уст-нана, йоI, виIий-йоI, йиIий-йоI, веший-йоI, йиший-йоI, йиша, даь-йиша, наьна-йиша, цIентIара нус, цар мехкарий, уст-йиша, уст-веший сесаг;

14. Саг веннача ворхIлагIеи, ткъаь-ткъестлагIеи бийса?ш лораеча моттиге лакхе Iохьоахабаь (дагарбаь) цIентIара боаца кхалнах ма ухалба;

15.  Доахан, жа, москалаш дIа-хьа ма кхувлалда;

16.  Йодаяь (раьза йолаш а раьза йоцаша а) саг ма югийла;

17.  Нагахьа санна кхалсаг йодаяь моттиг нийслой, саг йодаяьчунна, юрта Има?мага гIолла 10 000 сомага (10 бIаь тумага) кхаччалца  гIод тохалда, (кхалсаг дIаенна яле а) цо из зулам хьадир бахьан долаш;

18.  Йодаяь саг, из раьза яле а еце а, ший даьшка сихонца юха дIалойла. ХIаьта йиIий да?с из кхалсаг ийца дIабаха?ча на?хага: «Тоам ба шоана, кхалсаг шошца юхайига» оале, Имам е Имамо пурам денна дийша саг хьатIа а вийха, мах баь ма?ра из саг юха ма йоалайойла цар;

19. Йодаяь хина кхалсаг дIаяла вода саг юрта юкъарча маслахьатана лелача нахаха ма хилва, кхалсаг йодаяьчун кхоачарленаха хилва;

20. Саг йодаяьр, кхалсаг дIа а ца луш, духьалваьнна моттиг хилча (масала?, цунга бийса яьккхийтар), из саг юртаха дIахоадаволва. Цун дика а во? а бусулба на?ха лоста ма долда.

21. Нагахьа мо, саг йодаяьча дийнахьа дийша?ча нахах, тхьама?дех, туркхех е кхыболча юрта юкъарча маслахьатана лелача хийрача нахах кхалсаг дIаяла юкъеваха? а, е зоахалол де, аьнна, юкъеваха? а хуле, из саг юртаха дIахоадаволва.

22. Укх тIеххьарча шин бахьанца юртаха дIахоадаваь саг, ше даьчох дехке а ваьнна, тоба де дагахьа, юрта? хьатIавоагIе, цунна 1 (цхьа) бежан гIод теха, из юртарча мискача наха? тешаш болаш дIа а декъийта, цо ше даьчох дехкеваьнна, тоба даьчул тIехьагIа, из саг юха юртах хьатохалва;

23. Сага ва?хар хоададар (вешта аьлча саг ве?р) бахьан долаш пхье?на луш бола мах 1000 000 (1 миллион) сом хилба.

Муфтий

Республики Ингушетия                                                          И.Хамхоев